Gaur egungo gizartea asko aldatu da aurreko mendearekin konparatuz. Informazioa eta ezagutzak asko garatu dira eta komunikazio bideak azkartu eta ugaritu dira. Gizarte digital baten bizi garela esan dezakegu, izan ere, teknologi berriak garrantzi handia hartzen ari dira. IKT-ek, gizarte digitala, komunikazioaren gizartea, gizarte globalizatua, irudiena, informazioarena eta ezagutzena ekarri eta bilakatu du.
Gizarteari ez ezik, teknologia berriek hezkuntzari ere eragin diote. Gizartea eta hezkuntza teknologiei dagokionean parekatuak egotea komeniko litzateke, ikasleek alor desberdinetan ezagutzeko eta haietaz bi esparruetan baliatu ahal izateko. Izan ere, ikasleak egunerokotasunean nahi dituen baliabide teknologikoak baditu eta eskolan ez, desmotibazioa sor liezaioke.
Eskolak, poliki poliki, teknologia arloan berritzen joan dira, adibidez, Web 2.0. deituriko Internet erabiltzeko modua sartu da, honen bidez, interneteko erabiltzailea protagonista bihurtuaz. Honez gain beste hainbat proiektu martxan jarri dira, hala nola, ikasys eta eskola 2.0, hauek ezagunenak izanik.
Onuragarria da teknologia berri hauek geletan sartzea, baliabide eta tresna gehiago gehitzen dituelako ikaslearen formakuntzan, hauekin pixkanaka familiarizatzen joanik.
IKTak geletan sartzeko beste arrazoi batzuk, hezkuntzan betetzen dituen funtzioak dira; hala nola, hezkuntza ereduak berriztatzea, izan ere, teknologia berriekin ikasketa eta heziketa eredu berri bat sortzea nahi da, non ikasleak izango liratekeen protagonistak eta lana modu aktibo batean egingo luketeen, honela, beraien ezagutzak beraiek hartuko lituzkete eta irakasleak gidatu beharko lituzke. Beste funtzio bat, eten digitala saihesten duela da, hau da, ahalik eta motibagarrien suertatzea nahi da, teknologia berri hauek motibazioz erabiltzeko eta ez alde batera uzteko. Azken funtzioa, inklusio digitala sustatzen duela da.
Beraz, IKT-ek, esan daiteke, ikasleen aktibotasuna sakontzen dutela, talde lanean aritzeko aukera ematen duela, eta errealitatearekiko loturetan motibatzeko balio duela.
Bestalde IKt-ek beste aurrerapausu haundi bat suposatu dute Heziketa bereziko zenbait haurrentzat.
IKTak erabilita aukera handiagoak egon ohi dira haur hauek curriculumeko helburu orokorretara iristeko eta hauen ikaskuntza prozesua azkartzeko; informazioa era autonomo batetan jasotzeko ahalmena izateko, ikaskuntza autonomoa sustatuz; autonomia ahal duten garatuen izan ahal izateko; honela inklusio egoki bat lortzeko eta ondorioz ikasle hauen autoestimua egokia izateko.
IKTak badituzte berain alde txarrak, zehaztuz erabiltzeko erarekin sortuko lirateke arazoak. Ikasleek erabilera txarra eman ahal diezaiokete teknologia berri guztiei, izan ere, ematen dituzten aukerak, ahal diren guztiak, aprobetxatzeagatik. Ezin zaie askatasun guztia eman ikasleei, izan ere, teknologia berri hauen erabilerak ere kontrol bat izan behar du, nahi duten guztia ezin baitute egin, neurriak hartu behar dira gauza guztiekin bezalaxe, bestalde hortik sortzen dira gehiezgizko erabilerak eta erabilera desegokiak. Beti ere TIKekin lan egitean heldu baten presentzia izan beharko dute hasieran, erabilera egoki bat eman diezaioten.
Laburtuaz, ikusirik nola ari diren hedatzen teknologia berri hauek gizartean, hezkuntza ere teknologia berri hauetara egokitzea komeniko litzateke, bestela atzean geratuko lirateke eta ez zen ikasleen onurarako izango. Erabilera egoki eta kontrolatu bat egonik eta ez gehiegizko erabilera, IKT-etaz baliatzea interesgarria eta motibagarria da ikasleentzat, hezkuntzan hobekuntza eta ikasleen onura ekarriko duelarik.
